Myen hpyen dap ni Jet Nbungli ( 3 ) hte wa gap ai majaw Mungshawa marai ( 2 ) asak si sum, marai ( 3 ) hkala

KIA Dap Ba ( 2 ) Dap Dung ( 14 ) ginra, Noije Bum hte Pat Maw shara lahkawng kaw January 26 ya shani hkying 2:30pm aten hta Myen hpyen dap ni, Jet Nbungli ( 3 ) hte bawm wa jahkrat gap bun ai majaw, Mungshawa marai ( 2 ) asak si sum nna, marai ( 3) hkala hkrum mat ai lam, buga na salang langai shana wa ai.

Asak si sum mat ai ni gaw, salang Thun Thun Naing Asak 27 ning hte shayi Ting Te Asak 17 ning yan rai nna, hkala hkrum ai ni gaw, salang Min Heing Thun Asak 28 ning, Jan. Ting Nam Asak 50 ning hte shayi Ja Nu Aung Asak 2 ning ni re lam, marai kade naw hkala hkrum ai hpe buga masha ni matut sagawn nga ai lam, salang wa tsun ai.

Hkala hkrum ai masha ni hpe, ya aten hta Namgawn mare de sa woi tawn ai lam chye lu ai.