Myen hpyen dap ni kawn Kyuhpyi Bum ni hta Bom hkam da ai hte Mungshawa ni hpe lai wa lai sa n galaw na matu pat shing dang

KIA Dap Ba ( 2 ) Dap Dung ( 11 ) ginra, Namti Lambraw Yang, KBC hte RCM Kyuhpyi Bum ni hta Myen hpyen dap ni Bom hkam tawn ai hte Mungshawa ni hpe kadai mung lai wa lai sa n galaw na matu ndau da ai majaw Mungshawa ni Yi, Sun hte Hkauna sa ai lam ni hta yak hkak nga ai lam na chye lu ai.

Ya aten Dap Dung ( 6 ) ginra de Bom yam htaw Modo lai lung ding yang rai nna, March praw, 4 ya shana hkying 6:00pm aten hta mung lawu mung kaw na lung wa ai Bom yam htaw Modo ( 70 ) daram Lawng Hkang Bom yam dabang kaw du shang ai lam na chye lu ai.