Myen Hpyen Dap ni kawn mungshawa ni a jak sau pepa 90 hte n gu buk 100 hpe rim kau

Sinna Ginwang Ginjaw, Hugawng Ginwang Danai hka nam Tummari, Dalu Ja Maw maga na jakli 6 kaw htaw yu wa ai mungshawa ni a jak sau pepa 90 hte n gu buk 100 hpe October shata 19, bat 6 ya shana shana hkying 6:00pm aten hta Myen Hpyen Dap ni hkap rim kau ya ai lam chye lu ai.

Hkap rim ai Myen Hpyen Dap ni gaw, Hkalung mare lawu kaw nga ai, Hk.L.Y 126 Dap ni rai nna, rim zing da ai Jak sau hte n gu ni hpe October shata 20 ya shani hkying 10:00am aten hta Danai D.K.Ts Hpyen Dap de htaw sa da sai lam, ginra shi sawk ni tsun dan ai kawn chye lu ai.