Myen hpyen dap ni kawn pat shingdang da hkrum ai hpyen yen Mungshawa ni hpe sa woi na matu ahkang n jaw
KIA Dap Ba ( 9 ) Dap Dung ( 6 ) ginra kaw Myen hpyen hpung ni kawn pat shing dang da ai Lai Nawng Hku mare na hpyen yen Mungshawa ni hpe May praw, 4 ya shani hkying 12:00noon aten hta sa woi na matu sa wa ai MCC, PCG, CSO, Media hpung hte Ramma ni yawng marai ( 52 ) gaw shana daw hkying 4:00pm atem hta Ka-Maing mare kaw du nga sai rai nna hkying 5:00pm aten hta Ka-Maing ေထြအုပ္ရံုး kaw nna Kahtan Yang mare de rawt sa wa ai.
May praw, 5 ya shani gaw Myen hpyen dap ni n shalai ai majaw Myitkyina de bai n htang wa mat ra ai lam na chye lu ai.
Ya aten du hkra M.P.Hk တုိ္င္းမွဴး kawn malu masha ni sa garum jaw na ahkang jaw ai rai tim, woi la na ahkang n jaw shi ai lam chye lu ai.
Pat shingdang da hkrum ai hpyen yen Mungshawa ni lawt pru wa lu na matu May praw, 4 ya shana hkying 7:00pm aten hta Mai Ja Yang Manau Wang Gawknu kaw mung, Sinpraw Ginwang Ginjaw kata na Ramma ni akyu hpyi lamang galaw ai lam na chye lu ai.
