Myen hpyen dap ni KIA shawng lam post ni de laknak kaba gap bun

October, 14 ya shana daw hkying 5:00pm aten hta Myen hpyen dap ni, KIA Dap Ba ( 5 ), Dap Dung ( 3 ) ginra Ngwa Le maga de 81mm ngu maram lu ai laknak kaba hte gap bun ai lam, matut nna Dingga mare grup yin hte Lai Hpawng KIA shawnglam Post maga de mung

Myen dap ni 120mm laknak kaba hte gap bun ai lam chye lu ai.

October, 14 ya shani hta sha, KIA ( 252 ) Dap Nawng Dap Dung ginra Gidawn Post maga de mung Nhkram Jawng Kawng kaw nga ai Myen hpyen hpung ni kawn 120mm laknak kaba ni hte gap bun ai lam chye lu ai.

KIA Dap Ba ( 4 ), Dap Dung ( 9 ) ginra de shang wa ai Myen hpyen hpung ni hte KIA hpyen hpung ni October, 14 ya shani Maw Tawng hte Da Lung lapran kalang, Nam Um makau Bum Pri Bum mayan hta kalang gasat gala majan byin ai lam chye lu ai.