Myen hpyen dap ni, laiwa laisa mungshawa ni a modo, cycle ni hpe san jep gumhpraw hpyi sha

KIA Dap Ba ( 2 ) Dap Dung ( 14 ) ginra, Nawnglung Kawng Ra mare kaw shara jahkrat nga ai Myen hpyen hpung ni gaw, July praw 10 ya shani Danai Lidu lam hta laisa laiwa nga ai mungshawa ni a modo, cycle ni hpe hkap jahkring san jep nna gumhpraw hpyi sha nga ai lam na chye lu ai.

Ya aten hta Myen hpyen dap ni n-gun kaba hte htu majan galaw ai lam nnga ai raitim, hpyen shamu shamawt ai lam gaw, ding yang galaw nga ai majaw, mungshawa ni yi sun hkauna de galaw lu galaw sha ai lam hta naw yakhkak nga ai lam, buga na salang langai shana wa ai kawn chye lu ai.