Myen hpyen dap ni mahkrai run jahten kau ai majaw, mungmasha ni yak hkak hkrum nga
Mungmyit Sinli Ga ( Kachin Sub-State ) KIA Dap Ba ( 4 ) Dap Dung ( 8 ) ginra, Ga Leng Ginwang Daw kata rai nga ai, Loi Ngawm mare hte Ga Leng mare lapran na Namhkai Hka hpri sumri mahkrai hpe, July 25 ya shani Hk.L.Y ( 45 ) dap ni run jahten kau ya ai lam na chye lu ai.
Ya na zawn Myen hpyen dap ni mahkrai run jahten kau ya ai majaw, dai ginra na mare buga masha ni gaw, lai sa lai wa, yi sa yi wa nmai lai yakhkak hkrum nga ai lam, buga masha ni kawn chye lu ai.
