Myen hpyen dap ni Mung Lwi Nawku Jawng Wang kata sawk jep ai hte lawk salang ni hpe rim woi mat

November, 7 ya jahpawt hkying 9:00am aten hta Myen hpyen dap Hk.L.Y ( 261 ) na hpyen hpung ni Mung Gu Ginwang, Mung Lwi mare Nawku Jawng Wang kata laknak hte hpawn sa sawk jep ai lam galaw nhtawm

mare lawk salang ni yawng hpe mung hpyen dap de zuphpawng galaw na ngu shaga mat ai lam chye lu ai.

Lawk Komiti salang nkau ni hpe shana daw hkying 4:30pm aten daram hta dat ya ai rai nna, majan byin nga ai shara hte ni nawn ai lawk salang ni hpe gaw November, 8 ya jahpawt du hkra wa shangun ai lam n nga shi ai hpe chye lu ai.