Myen hpyen dap ni mungshawa ni a arung arai la kau ya

KIA Dap Ba ( 3 ) Dap Dung ( 12 ) ginra, Je Hkam kaw nga ai Myen hpyen dap ni, July 29 ya shani Nam Lim Pa mare na mungshawa ni a dum nta na arung arai ni hpe la kau ya ai lam, ginra shisawk ni kawn chye lu ai.

Nta htinggaw 200 daram nga ai Nam Lim Pa mare gaw, majan a majaw mungshawa ni yen kau ai mare rai nna, dai mare na mungshawa ni gaw, Manmaw Robet, Bum Tsit, Dum Bung maga de, hpyen yen nga ai lam chye lu ai.

Laiwa sai 2016 ning hta mung, Namlim Pa mare na mungmasha ni a nta htinggaw 20 daram hpe ganaw kau ya nhtawm, dai shara hta Myen hpyen dap ni shara la kau ya ai lam chye lu ai.