Myen hpyen dap ni Mungshawa ni nga ai mare kata de Sinat kaba gap bang

Kutkai Ginwang, Nam Nim Um mare kaw dap jung nga ai Myen hpyen dap Dapnu ( 88 ) kata na hpyen hpung ni June, 28 ya jaghpawt hkying 6:00am aten kawn hkying 7:00am aten laman mare baw kawn Mungshawa ni nga ai mare kata de 60MM ( 8 ) gap bap bang ai majaw mare masha marai ( 8 ) hkra hkala ai lam na chye lu ai.

Hkra hkala ai ni gaw တားညီႀကိမ္ Asak ( 38 ning ) gaw du kaw hkra nna, ယာေအၾကာ Asak ( 34 ning ) gaw Lapai lagaw kaw hkra,  မုိင္းကုိကုိ Asak ( 8 ning ) gaw Shingma kaw hkra,  မုိင္းညီညီ Asak ( 7 ning ) gaw Tangbau kaw hkra,  ေလြးအီျမစိမ္း Asak ( 20 ning ) gaw Baw hte Lata kaw hkra,  မုိင္းအုိကန္႔ Asak ( 21 ning ) gaw Shabyi kaw hkra,  မားနည္းလႈိင္ Asak ( 50 ning ) gaw Kan kaw hkra  waw mat ai rai nna မုိင္းအုိက္လူ Asak ( 35 ning ) gaw Lagaw kaw hkra ai lam hpe mung chye lu ai.

မိုင္းကိုကို Asak ( 8 ning ) gaw hkala sawng ai majaw Kutkai Tsirung de tsi tsi na matu hkying hkum mi chyen ram sa wa ai kaw si sum mat ai lam chye lu ai.