Myen hpyen hpung hpe KIA, TNLA ni sa htim gap
Sinpraw Ginwang Ginjaw, KIA Dap Ba ( 3 ) Dap Dung ( 12 ) ginra, Lahkum Hkyet kaw shara jahkrat nga ai Myen hpyen hpung ni hpe, December 29 ya shani ka-ang hkying 12:00non aten hta KIA hte TNLA pawnghpawm hpyen hpung ni sa htim gap ai kawn gasat poi byin ai lam, shawnglam shisawk ni kawn chye lu ai.
Dap Dung ( 27 ) ginra, Pung Ling hte Nam Hka Bum hta gaw, Myen hpyen dap ni Jet Fighter ( 2 ) hte hkying 12:30pm aten, bawm wa jahkrat bun ai.
Hkying 1:20pm aten hta mung, Dap Dung ( 27 ) ginra, Loi Jau Bum, Muk Wa makau Man Dat sa wa ai lam she kaw KIA hpyen hpung hte Myen hpyen hpung ni majan byin ai.
KIA Dap Ba ( 2 ) Dap Dung ( 14 ) ginra, Lapu Hka, Manai Dan, Chyasam Hka, Woi Law mayan kaw mung, Jet nbungli ( 3 ) hte bawm wa jahkrat nna, jak sinat hte gap sharu bun ai hta KIA hpyenla marai ( 2 ) hkala hkrum mat ai lam nga ai.
Matut nna hkying 3:30pm aten hta mung, KIA Dap Dung ( 20 ) hpyen dap hpe Jet nbungli ( 1 ) bawm wa jahkrat bun nna, jak sinat hte gap ahprup bun kau da ai lam chye lu ai.
