Myen hpyen hpung hte KIA hpyen hpung ni ang katut gasat majan byin

KIA Dap Ba ( 2 ) Dap Dung ( 14 ) ginra hta shamu shamawt nga ai Myen hpyen hpung hte KIA hpyen hpung ni, July 12 ya shana maga hkying 2:30pm aten kawn hkying 3:15pm aten du hkra, Namhkam mare makau kaw ang katut gasat majan byin ai lam, shawnglam shisawk ni kawn chye lu ai.

KIA hpyen hpung ni ginra jasan hkawm ai kaw Myen hpyen hpung ni shawng mu nna hkap gap ai kawn gasat gala byin ai re. Danai kaw nga ai Myen hpyen dap ni kawn KIA ni nga ai Namhkam maga de 120mm ngu maram lu ai laknak kaba hte mana hkying 9:00pm aten daram kawn hkying 12:00non aten daram du hkra gap bun ai lam, buga masha ni shana wa ai kawn chye lu ai.