Myen hpyen hpung hte KIA hpyen hpung ni gasat gala majan matut byin
KIA Dap Ba ( 2 ) Dap Dung ( 6 ) ginra, Nam Sheng mare hte, Labang kahtawng mare, Gala kawng mayan hkan shamu shamawt nga ai Myen hpyen ni hpe, February praw 1 ya jahpawt hkying 6:30pm aten hta KIA ni kyu hpyi bum lagaw kaw hkap gap ai kawn gasat gala majan byin ai lam, shawnglam shisawk ni kawn chye lu ai.
Gasat majan byin ai hpang Myen hpyen dap ni gaw Helicopter ( 2 ) hte KIA ni nga ai shara de bawm wa jahkrat bun nna, jak sinat ni hte wa htim gap ai lam nga ai. KIA Dap Dung ( 14 ) ginra, Chyasam hka hpyen man kaw mung, gasat gala majan matut byin ai.
KIA Dap Ba ( 3 ) Dap Dung ( 27 ) ginra, Du Hku mare htum pa kaw mung, January 30 ya shani hta KIA hte Myen hpyen hpyen hpung ni numdaw lahkawng lang gasat poi byin ai lam chye lu ai.
Mungmyit Sinli Ga ( Kachin Sub-State ) KIA Dap Ba ( 4 ) Dap Dung ( 8 ) ginra hta mung, January 30 ya shani KIA hpyen hpung hte Myen hpyen hpung ni, Nam Ba Mu hte Nawng Htan lapran lunghpraw kadawng kaw gasat gala majan byin ai lam chye lu ai.
