Myen hpyen hpung hte KIA hpyen hpung ni gasat majan byin

KIA Dap Ba ( 5 ), npu Dap Dung ( 3 ) ginra, Law Hpyu mare ni a yi makau kaw January praw ( 5 ) ya shani hkying 11:15 am aten hta Myen hpyen hpung hte KIA Dap Dung ( 3 ) hpyen hpung ni

gasat gala majan byin ai lam chye lu ai.

Gasat majan byin ai hpang Myen hpyen ni kaw nna, Law Hpyu, Hpau Daw, Sama Krung, Nhkram Ding Ga hte Lai Hpawng maga kawn Myen hpyen hpung ni KIA hpyen hpung ni nga ai shara de laknak kaba hte bai gap dum bre bun ai lam chye lu ai.

 KIO ginjaw makau Dap Dung ( 23 ) ginra, Masen Kawng kaw du nga ai Myen hpyen hpung ni January praw 4 ya shani hkying 11:55am aten daram hta Lawa Yang grup yin de laknak kaba ( 2 ) lang gap nna sinat kaji ni hte mung gap ai lam chye lu ai.