Myen hpyen hpung hte KIA hpyen hpung ni laja lana gasat gala byin
KIA Dap Ba ( 9 ) Dap Dung ( 6 ) hpyen hpung ni shara la nga ai Hku Pa makau Woi Bum kaw May 13 ya jahpawt hkying 6:30am aten hta KIA hpyen hpung hte Myen hpyen hpung ni gasat gala majan byin ai lam, shawnglam shisawk ni shana wa ai.
Shani hkying 11:30am aten hta Loi Mye Camp makau Dum Bum lawu kaw numdaw kalang bai laja lana gasat majan byin ai lam chye lu ai.
KIA Dap Ba ( 2 ) Dap Dung ( 20 ) ginra hta mung, May 13 ya shana daw hkying 2:35pm aten hta KIA hpyen hpung ni shara la nga ai, Ga shara hte Maji Bum lapran Daleng Bum maga Myen hpyen hpung ni gale pru wa ai majaw laja lana gasat majan byin ai.
May 12 ya shani hkying 11:45am aten hta gaw Myen hpyen dap ni KIA Dap Ba ( 1 ) hpe Jet Fighter nbungli ( 2 ) hte bawm 3 wa jahkrat bun nna jak sinat hte mung wa htim gap ai, dai hpang KIA Dap Dung ( 7 ) ginra, Bawmwang mare kaw mung bawm 3 wa jahkrat bun ai lam chye lu ai.
