Myen hpyen hpung hte KIA ni ang katut gasat gala byin
KIA Dap Ba ( 2 ) ginra hta shamu shamawt nga ai Myen hpyen dap ni gaw, July praw 8 ya shani Zupmai Yang hte Sutring Yang mare lapran kaw KIA hpyen hpung ni ginra makawp hkam da ai bawm, gabye kapaw la ai lam, shawnglam na salang langai shana wa ai.
Bawm ngoi ai nsen na ai majaw, KIA hpyenla ni check sa ai kaw minutes 15 daram ang katut gap hkat ai lam nga ai. Gap hkat zim ai hpang Danai D.K.Ts dap kaw nna laknak kaba 105mm hte bai gap bun ai lam chye lu ai.
July praw 7 ya shani hta mung, Ja Ra Yang kaw nga ai Myen hpyen hpung ni, KIA ni nga ai Hupa post maga de 81mm ngu maram lu ai sinat kaba hte gap bun ai lam chye lu ai.
