Myen hpyen hpung hte KIA ni gasat gala majan byin

KIA Dap Ba ( 3 ) Dap Dung ( 27 ) ginra, Hku Bung mare kaw du nga ai Myen hpyen hpung ni gaw, KIA hpyen hpung ni shara la nga ai, Hku Bung mare baw Udang jun tawn ai hkyet maga htu shadut lung wa ai majaw, February 14 ya shana daw hkying 2:28pm aten hta KIA ni hkap shingla gasat dat ai kawn majan byin ai lam, shawnglam shisawk ni shana wa ai.

Gasat majan byin ngut ai hpang Hku Bung mare kaw nga ai Myen hpyen hpung ni sha, Gashawt maga sinat kaba 81mm hte 5 lang gap bun ai lam chye lu ai.

Ya aten Myen hpyen dap ni gaw, KIA Dap Dung ( 12 ) hte Dap Dung ( 27 ) ginra ni hta hpyen n-gun machyu pala ni hpe ding yang sa nga ma ai, mawdaw nlu du ai shara de gaw, gumra ni hte htaw sa nga ai lam, ginra shisawk ni kawn chye lu ai.