Myen hpyen hpung hte TNLA hpyen hpung ni ang katut gasat majan byin

Mungmyit Sinli Ga ( Kachin Sub-State ) KIA Dap Ba ( 4 ) Dap Dung ( 8 ) ginra, Namhpak Ka Ginwang, Ga Leng gat pa kaw August 24, bat hpang 5 ya shani hkying 11:15am aten hta TNLA hpyen hpung ni nga taw ai aten hta Myen hpyen hpung ni du pru wa ai majaw, ang katut gasat gala byin ai lam, shawnglam shisawk ni kawn chye lu ai.

KIA Dap Ba ( 4 ) Dap Ba ( 6 ) hte Dap Ba ( 10 ) ginra ni hta Myen hpyen hpung hte TNLA hpyen hpung ni jahkring hkring gasat gala majan byin nga ai re. Ya na zawn gasat gala majan byin nga ai aten hta Myen hpyen Kaichyan Tsa Ya Hpa ( Ts.Y.Hpa ) ni mung, dingdung daw rawt malan wuhpung ni a hpyen shamu shamawt lam ni hpe mare up hkang salang ni kaw san sagawn nga ai lam na chye lu ai.