Myen hpyen hpung hte TNLA ni gasat gala majan byin
Mungmyit Sinli Ga ( Kachin Sub-State ) KIA Dap Ba ( 4 ) Dap Dung ( 8 ) ginra hta shamu shamawt nga ai Myen hpyen hpung hte TNLA hpyen hpung ni, July praw 4 ya shani Man Sa Lung Ninghtawn Kawng Mu mare hte Mung Ying mare lapran kaw gasat gala majan byin ai lam, shawnglam shishawk ni kawn chye lu ai.
Gasat majan byin ai ten hta Myen hpyen ni gap dat ai sinat kaba pala si, Mung Ying mare makau kaw wa hkrat kapaw ai majaw, Nga dumsu ( 1 ) si sum mat ai lam chye lu ai.
