Myen hpyen hpung ni gap dat ai laknak si hkrat bun ai majaw Ma kaji marai ( 5 ) hkra hkala hkrum

December, 24 ya shani hkying 10:00am aten daram hta Mung Myit Sinli Ga ( Kachin Sub-State ) Ginra, Nampakka Ginwang, Nampakka mare kaw du nga ai Myen hpyen dap Hk.L.Y ( 123 )

kata na hpyen hpung ni Mung shawa ni nga ai mare maga de laknak kaba ( 3 ) lang gap bang ai majaw Laushin Tu a n ta kaw wa hkrat kapaw n-htawm, Ma kaji marai ( 5 ) hkra hkala mat ai lam, dai hkra hkala mat ai Ma ni gaw Chan Ying Shang Asak ( 3 ) ning, Yang Chyu Hwi Asak ( 10 ) ning, Yang Zu Hkang Asak ( 4 ) ning, Yang Chwi Ring Asak ( 10 ) ning hte Yang Mi Si ni rai nna, Kutkai tsi rung kaw hkyak hkyak tsi gawn lajang la nhtawm Lashio tsi rung de shalai dat sai lam chye lu ai.

Sinat nsen ngoi wa ai shara ni hte Mung shawa ni nga ai mare kahtawng ni de Myen hpyen hpung ni sinat kaba majoi hkrup mara gap bang ai lam galaw wa ai majaw Mung mare masha ni hkrit kahpra nga ai lam mung chye lu ai.