Myen hpyen Hpung ni Hpau Daw maga de laknak kaba gap bun
December praw ( 30 ) ya shani hkying 2:00pm aten daram hta KIA Dap Ba ( 5 ), Dap Dung ( 3 ) ginra, Dabak kaw du nga ai Myen hpyen hpung ni gaw
Mai Saw hte Hpau Daw Bum maga de laknak kaba matut manoi gap bang ai sha n-ga, December praw ( 29 ) ya shani hkying 11:50am aten daram hta mung myen hpyen hpung ni Samda Bum maga de laknak kaba ( 9 ) lang gap bun ai lam chye lu ai.
December praw ( 27 ) ya shana daw Hkying 6:00pm aten daram hta Myen hpyen hpung ni Zai Awng Hpyen yen dabang kata de laknak kaba ni gap bun ai majaw ya ten hta Zai Awng hpyen yen dabang kata na hpyen yen mung masha yawng, ( 2800 ) daram gaw jamjau jaumhkau rai nna Miwa Mung jarit, Hkau Shau mare mayan na modo lam makau hkan hprawng yen nga ai lam chye lu ai.
