Myen hpyen hpung ni hpe KIA ni bawm hte hkap shingla gasat

KIO Ginjaw Ginra kata Nmwi Zup post makau kaw, November shata 22 ya shana maga hkying 3:00pm aten hta Myen hpyen hpung ni hpe KIA Mungshawa Kanawn Mazum (MKM) hpyen hpung ni bawm hte hkap shingla gasat dat ai lam na chye lu ai.

Myen hpyen hpung n-gun 40 daram gaw, Hpaumung Dung mare dingsa maga kawn MKM ni nga ai, Nmwi Zup post maga de shamu shamawt lung wa ai majaw hkap shala gasat ai re lam, shawng lam shi sawk ni kawn chye lu ai.

Ndai shara gaw KIA Dap Nawng Dap Dung ni tatut lit la yu nga ai ginra re hpe mung chye lu ai.

Photo: facebook