Myen hpyen hpung ni hte KIA hpyen hpung ni gasat gala byin, laknak kaba matut gap bun
KIA Dap Ba ( 4 ), Dap Dung ( 9 ) ginra, Na Noi kaw January, 8 ya jahpawt hkying 8:18am aten KIA hpyen hpung ni hte Myen hpyen hpung ni gasat gala majan byin ai lam chye lu ai.
KIA Dap Ba ( 6 ) Dap Dung ( 2 ) ginra hta mung, Bang Yang Hka maga rawt wa ai Myen hpyen dap Tatma ( 88 ) kata na hpyen hpung ni hte KIA Dap Ba ( 6 ) Zai ladat hpyen hpung ni
January, 8 ya shani hkying 12:00pm aten Na Le Sam mare sa lam Nam Lim mahkrai makau kaw gasat gala majan byin ai lam chye lu ai.
KIA Dap Ba ( 2 ) Dap Dung ( 14 ) ginra, Hka Da Zup kaw du ngu ai Myen hpyen hpung ni mung, January, 8 ya shani hkying 10:00am aten laknak kaba hte ( 8 ) lang gap bun ai lam chye lu ai.
KIA Dap Ba ( 5 ) Dap Dung ( 3 ) ginra, KIA hpyen hpung ni nga ai Hpau Daw, Law Hpyu hte Tang Lai mayan de mung, January, 8 ya shani Myitkyina kaw na rawt wa ai Myen hpyen Jet Nbungli ( 2 ) hte hkying 9:55am aten kawn shana daw hkying 4:00pm aten laman dabat nna sa htim gap ai lam chye lu ai.
Lai Hpawng, Dabak hte Point 1103 maga nga ai Myen hpyen hpung ni mung January, 8 ya jahpawt hkying 9:40am kaw na shana daw hkying 4:00pm du hkra Hpau Daw, Sama Krung hte Nga Gyang Bum mayan de laknak kaba hpan hkum hte ( 300 ) jang lang daram gap bun ai lam mung chye lu ai.
