Myen hpyen hpung ni hte KIA hpyen hpung ni gasat majan matut byin
KIA Dap Ba ( 9 ) Dap Dung ( 6 ) H.Q Hpaw Lam mare kaw May, 15 ya jahpawt hkying 5:00am aten hta Myen hpyen hpung ni hte KIA hpyen hpung ni gasat majan byin ai lam shawng lam shi sawk ni kawn chye lu ai.
Mungmyit Sinli Ga ( Kachin Sub-State ) KIA Dap Ba ( 4 ) Dap Dung ( 9 ) ginra May, 15 ya shani hkying 9:45am aten hta MNDAA hte TNLA pawng hpawm hpyen hpung ni nga ai Htan Bra Bum de Myen hpyen dap Dapnu ( 55 ) kata na hpyen hpung ni htu lung wa ai majaw gasat majan byin ai.
May, 14 ya jahpawt hkying 10:00am aten hta mung Nam Um hte Kawng Hka lapran kaw TNLA ni hte Myen hpyen hpung ni gasat majan byin ai lam na chye lu ai.
Myitkyina maga kawn lung wa ai Myen hpyen Jet Nbungli ( 2 ) Dap Dung ( 6 ) H.Q hpe May, 14 ya jahpawt daw hkying 9:55am aten hta Bom shawng jahkrat bun nna Jak sinat hte numdaw ( 2 ) lang bai htim gap ai hpang shana daw hkying 3:00pm aten hte hkying 4:20pm aten laman Chyau Hpa Bum hte Loi Mye Bum lapran kaw Myen hpyen hpung ni hte KIA hpyen hpung ni gasat majan byin ai.
KIA Dap Ba ( 1 ) Dap Dung ( 4 ) ginra Mara Ga mare dingsa Mara Hkin Dawt makau kaw May, 14 ya shana daw hkying 5:55pm aten hta Myen hpyen hpung ni hte KIA hpyen hpung ni gasat majan byin ai lam chye lu ai.
