Myen hpyen hpung ni hte KIA hpyen hpung ni gasat majan matut manoi byin
KIA Dap Ba ( 2 ) ginra, Danai maga kawn rawt wa ai Myen hpyen hpung ni hte arung arai htaw Three Crown Modo kaba ( 1 ) hpe April, 30 ya shani hkying 11:30am aten hte hkying 11:45am aten laman KIA hpyen hpung ni Shabak Yi Wa Namsi Sun mayan hta Bom ( 2 ) lang hkap adem bun ai hpang Sinat kaji kaba hte bai hkap gap ai kawn gasat majan byin wa ai lam shawng lam shi sawk ni kawn chye lu ai.
Mungmyit Sinli Ga ( Kachin Sub- State ) KIA Dap Ba ( 6 ) Dap Dung ( 36 ) ginra Mung Ya mare makau Nam Mwi Hka hte Nam Hkawng Hka mazup kaw April, 30 ya jahpawt hkying 9:03am aten hta Myen hpyen dap Dapnu ( 55 ) kata na hpyen n-gun ( 60 ) daram hpe KIA hpyen hpung ni Bom ( 2 ) lang adem bun ai hta Myen hpyen hpung maga na si hkala masha law ai majaw dai grup yin hta Yi galaw sha nga ai Mungshawa marai ( 9 ) hpe Myen hpyen hpung rim woi mat ai lam mung chye lu ai.
