Myen hpyen hpung ni hte KIA hpyen hpung ni matut manoi gasat majan byin nga
KIA Dap Ba ( 2 ) ginra Awng Lawt mare kaw rawng nga ai Myen hpyen hpung ni hpe April, 18 ya shani hkying 2:30pm aten hta KIA hpyen hpung ni sa wang gap ai kawn gasat majan byin ai. Dai hpang, Zup Mai hte Nawng Nyang mare kaw mung numdaw kalang mi bai gasat majan byin ai lam shawng lam shisawk ni kawn chye lu ai.
KIA Dap Ba ( 2 ) Dap Dung ( 11 ) ginra hta mung Dum Bung hte Loi Li Hka lapran shadaw kaw Myen hpyen dap Hk.L.Y ( 298, 297 ) pawng hpawm dap ni hpe KIA hpyen hpung ni Bom hkap adem bun ai kawn gasat gala majan byin ai lam na chye lu ai.
Lawa kawn Dum Bung maga yu wa ai Myen hpyen n-gun ( 60 ) daram hpe April, 17 ya shani hkying 1:45pm aten hta KIA hpyen hpung ni kawn Remote Bom ( 3 ) lang hkap adem bun ai majaw Dum Bung mare salang hte Mungshawa marai ( 2 ) hpe shaga tawn ai lam chye lu ai.
Nam Ti hte Dum Bung lapran kaw April, 18 ya shani KIA hpyen hpung ni hte Myen hpyen hpung ni gasat majan byin ai hta Myen hpyen hpung ni kawn Wunpawng La marai ( 2 ) hpe Maran Kahtawng gate makau Slg. Labang Naw Bawk a sun shawng kaw rim la nna Shanglawt labu hpun palawng sumraw ya ai hte adup abyen zingri nna Lido Lam makau kaw zingri sat tawn ai lam na chye lu.
Sat hkrum ai Wunpawng La marai ( 2 ) gaw kadai re tup hkrak n chye lu shi ai. Naw sagawn nga ding yang re lam chye lu ai.
