Mung Myit Sinli ga hta gasat gala majan matut manoi byin nga
Mung Myit Sinli Ga ( Kachin Sub-State ) ginra, Man Yang hte Hpawng Seng lapran na Mu Bum kaw shara la nga ai Myen hpyen hpung ni hte Rawt malan Dap hpawm hpyen hpung ni November, 28 ya jahpawt hkying 7:00am aten hta Hpawng Seng hte Nawng Jang lapran kaw
gasat gala majan byin ai lam, hkying 10:50am aten hta mung Nam Tau Hpunggyi Jawng kaw na pru wa ai hpyen n-gun ( 100 ) daram nga ai Myen hpyen hpung ni hte KIA hpyen hpung ni Nam Tau hte Pang Sai lapran kaw numdaw mi bai laja lana gasat gala majan byin ai lam chye lu ai.
Ku Gang hkran maga de na rap wa ai Myen hpyen dap Hk.L.Y ( 22 ) na hpyen hpung ni hte mung, Rawt malan Dap hpawm hpyen hpung ni Man Kawng shara kaw gasat gala majan byin nna, shana daw hkying 4:30pm aten hta mung, 105 Miles kaw na hpyen n-gun ( 80 ) daram nga ai Myen hpyen hpung ni hte KIA Dap Ba ( 6 ) na hpyen hpung ni Nam Hkoi mare makau kaw gasat gala majan byin ai lam chye lu ai.
