Myen hpyen hpung ni hte KIA, TNLA ni gasat majan byin
Mungmyit Sinli Ga ( Kachin Sub-State ) KIA Dap Ba ( 4 ) Dap Dung ( 8 ) ginra, Man Dung Ginwang daw, Na Lay mare makau kaw May, 10 ya jahpawt hkying 8:20am aten hta Myen hpyen dap Dapnu ( 88 ) kata na hpyen hpung ni hte TNLA ni gasat majan byin ai lam shawng lam shi sawk kawn chye lu ai.
Dima mare grup yin ni hta mung Myen hpyen hpung ni hte KIA hpyen hpung ni gasat majan byin ai majaw May, 10 ya shani Mungshawa ni Nam Um, Hku Mung, Nampaka hte Muse de hpyen koi yen du nga ai lam na chye lu ai.
KIA Dap Ba ( 2 ) Dap Dung ( 6 ) ginra H.Q makau kaw May, 10 ya shana daw hkying 4:05pm aten hta MHH ni shara la nga ai Woi Maw Post hte Nam Sai Zup shara ( 2 ) kaw Myen hpyen dap ni htu shadut lung wa ai majaw hkap shingla gasat ai kawn gasat majan byin wa ai lam chye lu ai.
KIA Dap Ba ( 7 ) ginra, May, 9 ya shana hkying 7:00pm aten hta Sati Chyaw စတီးေၾကာ္ kawn Lagwi maga lai shang wa ai Myen hpyen dap Dapnu ( 33 ) kata na hpyen n-gun ( 100 ) daram hpe KIA hpyen hpung ni hkap gap ai hta Myen hpyen hpung ni kawn 60MM hte ( 5 ) lang bai n htang gap bun ai lam na chye lu ai.
