Myen hpyen hpung ni hte MNDAA Kokang hpyen hpung ni gasat gala majan matut byin

Mungmyit Sinli Ga ( Kachin Sub-state ) KIA Dap Ba 10 Dap Dung 17 ginra hta shamu shamawt nga ai Myen hpyen dap Dapnu 99 kata na hpyen n gun 80 daram hte MNDAA Kokang hpyen hpung ni February shata 14 ya shani gasat gala majan matut byin ai lam chye lu ai.

“Myen hpyen hpung ni gaw Manlun maga de na MNDAA  Kokang hpyen hpung ni shara la nga ai Shanghtung bum de lung wa ai majaw mani hpawt hkying 9:00am aten kaw na hkying 10:30am aten du hkra gap hkat ai, laja lana re gaw minute 30 daram re” nga nna shawng lam na Salang langai tsun dan ai.

Gasat gala majan byin ai grup yin shara ni hta dap mying n chye ai Myen hpyen hpung ni n gun jat htu da ai sha n-ga lam ding yang mung, hpyen n gun jat da ai lam chye lu ai.