Myen hpyen hpung ni hte TNLA ni gasat majan byin

Mungmyit Sinli Ga ( Kachin Sub-State ) KIA Dap Ba ( 4 ) Dap Dung ( 8 ) ginra, Mung Maw Ginwang Daw, Magwi Baw Bum kawn Oi Law maga lung wa ai Hpun htaw Modo ( 1 ) kaw Modo la marai ( 2 ) ma lawm ai TNLA hpyen hpung ni marai ( 8 ) jawn lawm ai hpe July, 16 ya shani Myen hpyen dap Dapnu ( 88 ) kata na hpyen hpung ni hkap gap ai kawn gasat majan byin ai lam shawng lam shi sawk ni kawn chye lu ai.

Dai hpang, Myen hpyen hpung ni kawn TNLA hpyen num marai ( 6 ) hpe rim la nna Mung Maw mare makau kaw mazut roi rip sat kau da ai hpe Mung Maw mare masha ni kawn makoi mayang kau ya ai lam hpe chye lu ai.