Myen hpyen hpung ni kawn KIA ni nga ai shara de laknak kaba gap bun ai hte Jet Nbungli hte mung gap bun
KIA Dap Ba ( 1 ) N-Gum La hte Dap Dung ( 4 ) ginra, Kawng Ra kaw April, 25 ya shana daw hkying 3:30pm aten hta Myen hpyen Jet Nbungli ni hte wa gap bun ai lam shawng lam shi sawk ni kawn chye lu ai.
KIA Dap Ba ( 2 ) Dap Dung ( 11 ) ginra hta April, 24 ya shana daw hkying 4:58pm hte hkying 5:50pm aten laman Kasung RC Nawku Jawng shingdu maga hku gale pru wa ai Myen hpyen hpung ni hte KIA hpyen hpung ni gasat majan byin ai lam chye lu ai.
Shana hkying 7:05pm aten hta mung Myen hpyen hpung ni Pyi Dawng maga kawn Kasung maga de laknak kaba hte ( 4 ) lang gap bun ai lam chye lu ai.
Namti Lambraw Yang mare kaw Kasung mare na hpyen yen Mungshawa ni hpe April, 24 ya shani hkying 10:00am aten hta Jinghpaw Mungdaw Hkringmang Daju Dr. Hkyet Awng a madu jan Dr. Jinghkang Kaw Bu woi awn ai လူဝင္မွူၾကီးၾကပ္ေရး ႏွင့္ ျပည္သူ႔အင္အားဦးစီးဌာန ဦးသန္းလြင္ hte ကခ်င္ျပည္နယ္ၾကက္ေျခနီ hpung ni sa du gawan, malu masha ni sa garan jaw ai lam na chye lu ai.
