Myen hpyen hpung ni KIA shawnglam ginra ni de laknak kaba gap bun nga dingyang
KIA ( 252 ) Dap Nawng Dap Dung ginra hta October, 21 ya jahpawt daw kaw nna Myen hpyen dap ni laknak kaba ni hte gap gasat wa ai majaw tinang KIA maga na mung laknak kaba ni hte bai shingla gasat ai lam chye lu ai.
October, 20 ya shani mung Katsu kaw nga ai Myen hpyen hpung ni Nhkram Bum maga de htu shadut lung wa ai majaw shana de hkying 3:30pm aten daram hta KIA hpyen hpung ni hkap shingla gasat ai lam,
Dai hpang myen hpyen hpung ni 81mm hte Gidon KIA post maga de ( 10 ) lang, Nhkram Bum makau grup yin de mung ( 10 ) lang gap bun ai lam chye lu ai.
KIA Dap Ba ( 2 ), Dap Dung ( 14 ) ginra, Hka Da Zup kaw du nga ai Myen hpyen dap Hk.L.Y ( 279 ) na hpyen hpung ni mung October, 20 ya shana maga hkying 5:00pm aten daram hta KIA hpyen hpung ni nga ai shara maga de 81mm hte ( 2 ) lang gap bun ai lam na chye lu ai.
