Myen hpyen hpung ni mara kata Ta-ang amyu sha marai ( 1 ) hpe gap sat kau nna marai ( 2 ) hpe rim woi mat
Namsan နမ့္ဆန္ Ginwang Hu Man ဟူမန္း mare, Kung Tha ကုန္းသာ mare makau kaw Myen hyen dap Tatma ( 88 ) kata na hpyen hpung ni, January 21 ya shana daw hkying 5:00pm aten hta Ta-ang Amyu sha
marai ( 1 ) hpe mara kata zing ri gap sat kau nna, marai ( 2 ) hpe rim woi mat wa ai lam chye lu ai.
Gap sat hkrum ai Slg. Aik Aye အိုက္ေအး asak ( 33 ) ning rai nna, rim hkrum ai yan gaw Slg. Aik Swe အိုက္ေဆြ asak ( 30 ) ning hte Shd. Kyaw Aye ေက်ာ္ေအး asak ( 26 ) ning ni re. Ndai ni gaw yi hkyen nna nta bai wa ai lam kaw ya na zawn Myen hpyen hpung ni rim woi mat ai re lam chye lu ai.
Rim hkrum ai marai ( 2 ) hpe bai dat ya na matu, mare na myit su Salang ni sa tsun ai raitim, nanhte uphkang Salang ni nre, nanhte sa mung nsa tsun ra ai, hpang de mung hkum sa wa mu, ngu nna Myen hpyen dap ni tsun nhtang dat ai sha n-ga rim woi mat wa ai yan hte hkrum na ahkang pyi n jaw ai lam mung chye lu ai.
Si hkrum ai Slg. Aik Aye ( အိုက္ေအး ) a moi mang hpe dum nta masha ni hte mare myit su Salang, makyin jinghku ni kaw nna, sa hta makoi mayang kau sai lam na chye lu ai.
