Myen hpyen hpung ni Mung Lwi mare masha ni a arung arai mya la kau ya
Myen hpyen dap Dapnu ( 99 ) kata na hpyen hpung ni January 20 ya shani ka-ang hkying 12:30pm aten hta, Mung Lwi mare masha ni yawng hpe lam de shaga shapraw
kahkyin tawn nna KIA, TNLA hte SSPP/SSA hpyen hpung ni lai ai i ngu san shagyeng tawn ai majaw, Mung shawa ni gaw lai ai ngu htai ai rai tim hkying hkum ( 2 ) daram na hkra jep san tawn ai lam na chye lu ai.
Ngam ai hpyen la ni gaw dum nta kata shang nna, Mung shawa ni a malu masha hte arung arai ni hpe mya la kau ya ai lam buga masha ni kawn chye lu ai.
