Myen hpyen hpung ni Mungshawa marai ( 2 ) hpe lam madun na matu shaga woi mat

KIA Dap Ba ( 3 ) Dap Dung ( 27 ) ginra, Bang Hkam mare kawn Chyauk Hpya maga shamu shamawt lung wa ai Myen hpyen hpung ni July, 21 ya jahpawt daw hkying 7:00am aten hta Hka Hkye Tang Jang Kawng kaw Cycle hte yu wa ai Mungshawa, La marai ( 2 ) hpe lam madun shangun na matu shaga woi mat ai lam na chye lu ai.

Mungmyit Sinli Ga ( Kachin Sub-State ) KIA Dap Ba ( 4 ) Dap Dung ( 34 ) ginra TNLA hte RCSS/SSA ni majan byin ai majaw, ni nawn ai Hpungkyi Jawng hkan hpyen koi yen nga ai Mungshawa ni hpe July, 21 ya shani SSJAC Wuhpung ni kawn N-gu, malu masha, Tsi mawan hte Gumhpraw Ks;-20,000,000 sa du garum jaw ai lam na chye lu ai.