Myen hpyen hpung ni Mungshawa ni a jak sau rim la kau ya

Sinna Ginwang Ginjaw, KIA Dap Ba ( 2 ), Dap Dung ( 14 ) ginra, Nawng Lung Kawng Ra kaw nga ai Myen hpyen hpung ni kawn Nam Byu maga de Nga leng hte htaw sa wa ai 

mungmasha ni a jak sau hpe February, 27 ya jahpawt hkying 8:00am aten hta rim la kau ya ai lam buga masha ni tsun ai kawn na chye lu ai.

Lidu lam mayan hta nga ai Myen hpyen hpung ni gaw laiwa laisa mungmasha ni hpe sawk jep gumhpraw hpyi sha, shanhte ra ai arung arai lawm jang la kau ya ai lam ni galaw nga ai hpe mung na chye lu ai.

February 25 ya shani hta mung Lidi lam mayan laiwa laisa mungmasha ni kaw nna, rim da ai N-gu, Sau ni hpe hpyen mawdaw 8 hte Danai D.K.Ts hpyen dap de htaw tawn ai lam na chye lu ai.