Myen hpyen hpung ni Mungshawa ni lai wa lai sa galaw ai lam kaw Bom hkam tawn
Mungmyit Sinli Ga ( Kachin Sub-State ) KIA Dap Ba ( 6 ) Dap Dung ( 36 ) ginra hta May, 29 ya shani Bum Tawn Ninghtawng, Pying Hkoi hte Man Nawng mare lapran kaw Mungshawa ni lai wa lai sa galaw ai lam maw kaw Myen hpyen hpung ni hkam tawn ai Bom hpe Gat sa ai ni sa mu ai majaw KIA hpyen hpung ni kawn htu shaw jasan kau ya ai lam na chye lu ai.
Namti hte Ginsi Seng Ra kaw May, 29 ya shani hkying 3:33pm aten hte hkying 4:00pm aten hta Myen hpyen Modo ( 4 ) hte hpyen n-gun ( 100 ) jan bai du shatup nga nna shim lam hku lam ding yang shara la nga ai lam na chye lu ai.
May, 29 ya shani hta sha hkying 4:20pm aten hta Lung Hkan kaw nna lung wa ai Myen hpyen Modo kaba ( 7 ) hte Tungfung အျပာေရာင္ ( 1 ) gaw Sang Hka Maden Yang hku Ginsi Seng Ra de lai lung wa sai lam chye lu ai.
