Myen hpyen hpung ni Nhkram Bum mayan de laknak kaba matut manoi gap bang nga
KIA Dap Ba ( 5 ) Dap Dung ( 3 ) ginra, Dabak, Dingga, Sama lam numshe, Nhkram hte Point ( 1103 ) kaw du nga ai Myen hpyen hpung ni
gaw January praw 2 ya jahpawt kaw na Nga Gyang Bum hte Sama Krung makau grup yin de laknak kaba matut manoi gap bang nna, shani hkying 1:00pm aten daram kawn Hpau Daw maga htu lung wa ai Myen hpyen hpung ni hte KIA hpyen hpung ni laja lana gasat gala majan byin ai lam chye lu ai.
Myen hpyen hpung ni gap dat ai laknak kaba si nkau mi Zai Awng hpyen yen dabang maga de mung wa hkrat ai lam chye lu ai.
January praw 1 ya shani hkying 1:10pm aten kaw mung Daga yang mare lahta Wu Ga Bum maga de Myen hpyen hpung ni htu shadut lung wa ai majaw KIA hpyen hpugn ni kawn shingla gasat dat n-htawm hpang shana daw hkying 6:30pm aten kaw mung Nhkram Bum mayan kaw du nga ai Myen hpyen hpung ni Nga Gyang Bum hte Sama Krung maga de laknak kaba ( 9 ) lang gap bang ai lam chye lu ai.
