Myen Hpyen Hpung ni Sam Amyu shayi langai mazut roi rip sat kau kau

December praw 31 ya shani hkying 10:30am aten daram hta Jahtu Zup mare na hkau na pa kaw bungli galaw nga ai

masha ni hpe shat lu sha sa sa jaw ai Daw Tawng Me Asak ( 45 ) ning Sam Amyu shayi langai hpe Myen hpyen dap Hk.L.Y ( 297 ) na hpyen hpung ni hte P.T.Ts pawng hpawm hpyen hpung ni mazut roi rip sat kau da ai lam chye lu ai.

Sat kau hkrum ai Daw Tawng Me a moi mang hpe mare masha ni shana de daw hkying 4:10pm aten kaw sa mu la ai re lam mung chye lu ai.

Dai manghkang byin ai shara kaw Myen hpyen dap ni hte P.T.Ts hpyen hpung ni shamu shamawt hkawm nga ai shara rai nna mara kata hkan sat zingri ai lam, mazut roi rip ai lam galaw ai majaw buga masha ni hkawm sa hkawm wa galaw lu galaw sha na matu hkrit tsang nga ai lam chye lu ai.