Myen hpyen hpung ni Sumpra Bum lam de shamu shamawt lung wa

May, 24 ya jahpawt hkying 5:00am aten hta M.P.Hk kaw na hpyen Modo ( 10 ) jan hpyen la hpring htaw nna Sumpra Bum lam maga lung wa sai rai nna, hpyen Modo ( 19 ) gaw Gwihtau daru kaw naw ngam nga ai Myen hpyen dap Dapnu ( 33 ) kata na hpyen hpung ni hpe wa htaw la ai lam na chye lu ai.

Mungmyit Sinli Ga ( Kachin Sub-State ) KIA Dap Ba ( 4 ) Dap Dung ( 8 ) ginra, Na Ling mare makau kaw May, 22 ya shani TNLA ni hte Myen hpyen dap Hk.M.Y ( 324 ) kata na hpyen hpung ni hte gasat majan byin ai lam shawng lam shi sawk ni kawn chye lu ai.

Sin In mare kaw May, 17 ya shani Lisu shanwa ni marai ( 4 ) kalang ta sat hkrum ai hte seng nna Myen hpyen Ts.Y.Hp hte Myen Balik ni kawn Awng Padang mare kaw na Shd. Lahtaw Awng Ban, Slg.Hanggau Zau Lat, Shd. Sumlut Yaw Han hte Zahkung Doi La ni hpe May, 18 ya shani rim woi mat wa ai. May, 23 ya shani du hkra hpa shiga mung nna, nta de du wa ai lam n nga shi ai lam na chye lu ai.