Myen hpyen hte Pyi Tu Tsit ni, mungmasha Salang Maran La hpe rim woi san jep nna bai dat dat

KIA Dap Ba ( 8 ) Dap Dung ( 26 ) ginra, Nawng Lut Ginwang, Nawng Pin mare na Slg. Maran La hpe July, 25 ya shani Hk.L.Y ( 257 ) dap na Myen hpyen hte P.T.Ts ni kawn Nat Mi Lawng mare de shaga woi mat ai lam na chye lu ai.

Dai salang wa hpe shaga woi mat ai lam gaw, Nawng Pin mare kaw KIA ni nhkun gumhpraw nhta lu na matu, Ninghtawn Salang ni hpe sa tsun shangun ai lam, KIA Dap Ba ( 8 ) Dap Up a mying hte Ginwang Daw Salang, Ninghtawn Salang ni a mying ni hpe san la nhtawm, bai dat dat ai lam, ginra shisawk ni kawn chye lu ai.