Myen hpyen mawdaw 2 hpe KIA hpyen hpung ni bawm hkap dem bun
Danai maga na yu wa ai Myen hpyen mawdaw 2 hpe July 11 ya shani hkying 11:50am aten daram hta Nawngmi mare lahta Yuzana Company A-site hkauna pa makau kaw KIA hpyen hpung ni, bawm hkap dem bun ai lam na chye lu ai.
Bawm hte hkap dem bun ai hta Myen hpyen ni si hkala ai lam nga ai, Myen hpyen ni gaw grup gra de sinat kaji kaba hte hkying hkum mi daram gap bun nga ai lam, shawnglawm shisawk ni tsun ai kawn chye lu ai.
