Myen hpyen Modo ( 3 ) hpe KIA hpyen hpung ni hkap shingla gasat
Hpakant maga lung wa ai Ts.K.Hk ( 3 ) kata na Myen hpyen modo ( 3 ) hpe July praw 6 ya shani ka-ang hkying 12:30pm hte hkying 1:00pm aten hta Nam Ya hte Kap Maw mare lapran, lup wa kawng mayan kaw KIA Dap Dung ( 6 ) hpyen hpung ni hkap shingla gasat majan byin ai lam, shawnglam shisawk ni kawn chye lu ai.
Gasat majan byin nga ai aten e, Hk.L.Y ( 259 ) dap ni sinat kaji kaba gap shadam bun ai majaw, Kap Maw mare na salang Wa La Zau Tawng a nta shakum hkan sinat pala kaji wa hkra ai raitim, masha hta hkra hkala ai lam nnga ai hpe na chye lu ai.
Kamaing hte Ma U Pin lapran na ဘုိဘို Co.Ltd. ni galaw ai hkauna pa kaw shara jahkrat nga ai Myen hpyen hpung hte Kamaing Pyi Tu Tsit ( P.T.Ts ) pawnghpawm hpyen hpung ni hte mung, KIA hpyen hpung ni gasat majan byin ai lam chye lu ai.
