Myen hpyen n gun (40) daram hte KIA ni gasat gala majan byin
KIA Masat (9) Dap Ba, Masat (26) Dap Dung ginra, Hwi Lung kaw April shata 20 ya jahpawt hkying 3:40am aten hta Myen hpyen ni hte KIA ni gasat gala majan matut byin ai lam na chye lu ai.
Myen Hpyen Dap ni gaw, Hwi Lung kaw shara jahkrat nga ai, Hk.M.Y (11) dap hte Hk.L.Y (42) dap na pawng hpawm n gun (40) daram nga ai hpe KIA ni sa htim gap gasat ai re lam, shawng lam shi sawk ni shana wa ai kaw na chye lu ai.
Ginjaw Ginra rai nga ai, Shang Hkawng Bum kaw shara jahkrat nga ai Myen Hpyen Dap, Hk.L.Y (56) dap ni mung, dai na hkying 7:54pm aten hta Nhkram maga de, laknak kaba 120mm, 60mm, MG-42 jak sinat ni hte hkrup mara gap bun nga ai lam chye lu ai.
