Myen hpyen ni Gidon Post hpe Gung nsa lawm ai Laknak kaba hte gap gasat

KIA ( 252 ) Dap Nawng Dap Dung ginra Gidon post hte Dawi post hpe Myen hpyen dap ni October, praw 1 ya jahpawt hkying 9:00am aten kaw na Laknat kaba ni hte gap bun nhtawm shani hkying 1:25pm aten hta htim gasat lung wa ai majaw

KIA hpyen hpung ni hte laja lana gasat gala majan byin ai lam chye lu ai.

Gidon post hpe gap ai Myen hpyen ni a Laknat kaba pala ni hta Gung nsa lawm ai hpe mung na chye lu ai.

KIA Dap Ba ( 5 ), Dap Dung ( 3 ) ginra Lai Hpawng Bum hpe mung, Myen hpyen dap ni October, praw 1 ya jahpawt hkying 8:30am aten wa htim gasat ai majaw gasat gala majan byin ai lam chye lu ai.