Myen hpyen ni KIA Dap Dung ( 11 ) hpyen dap de laknak kaba ( 10 ) jan lang gap bun

KIA Dap Dung ( 11 ) hpyen dap, Kasung mare maga de, August 12 ya jahpawt hkying 3:00am aten daram hta ၿပည္ေထာင္ hpyen dap kawn laknak kaba 120mm hte 10 jan lang gap bun ai lam, hpyen shisawk ni kawn chye lu ai.

Hpung woi sara ni hte salang nkau mi, dai ni Kasung mare de mungmasha ni hpe sa tam ai hta, August 11 ya shani Myen hpyen ni gap sat kau ai mungshawa ni kaw na, salang Lamawng Zau Awng a moi mang hpe mu tam nna, dai ni makoi mayang sai lam, naw mat nga ai mungmasha ni hpe tam ding yang re nga ai lam, lit nga ai salang langai tsun dan ai kawn chye lu ai.

Namti Lambraw Yang nawku jawng hkan du nga ai hpyen yen mungshawa yawng marai ( 800 ) daram rai nna, malu masha ni hpe gaw hpung masha ni hte wuhpung wuhpawng nkau mi sa garum jaw ai hpe nawku jawng kaw shadu jaw nga ai lam chye lu ai.