Myen hpyenla ni gumhpraw garan sha nhkrum nra ai majaw, shada gap si hkat

KIA Dap Ba ( 2 ) Dap Dung ( 6 ) ginra, Mu Gawng lam deng ( 8 ) hte deng ( 9 ) lapran shimlam la nga ai Myen hpyen dap Hk.M.Y ( 384 ) dap na hpyen hpung ni gaw, July 17 ya shani laiwa laisa mungmasha ni a Modo, Cycle kaw na hpyi la ai gumhpraw garan sha n hkrum n ra byin ai majaw, Corporal ( 1 ) hte Private ( 1 ) shada gap hkat nna, Corporal wa gaw, baw kaw dingtset nhtawm, Private wa si mat ai lam, buga masha ni kawn chye lu ai.

July 16 ya shani hta mung, Maran kahtawng kaw nga ai Myen hpyenla ni, Danai maga na yu wa ai Modo Driver salang Maung Win hpe gumhpraw Kyats;- 200,000/ ( Sen lahkawng ) hpyi ai hpe n jaw ai majaw, adup zing ri ai hta pai lata daw mat ai lam na chye lu ai.