Myen mung kata byin nga ai mungmasa sat lawat ni hte seng nna maram dinglik ningmu la hpawng galaw

Shawnglam Mungmasa Jasat Hpung (SMJH) kaw nna woi awn ai hte Padang Hkrunlam Majan Masing Woi Awn Rung Gawknu kaw June shata 19 hte 20 ya shani, 2 ya tup Myen mung kata byin nga ai mungmasa sat lawat ni hpe maram dinglik, ningmu la hpawng hpe galaw la lu sai re.

Zuphpawng hta ya aten Myen mung kata byin nga ai mung masa sat lawat ni hpe maram dinglik yu ai lam, ning mu la ai lam ni hpe galaw ai sha n-ga, hpyen yen mung shawa ni a masa lam ni hte seng nna tang madun bawngban jahkrup la lu sai re, zuphpawng hta bawngban la lu ai mahtai ni hpe KIO Ginjaw Komiti de tang madun na re lam chye lu ai.

Zuphpawng hta Ginjaw Komiti Salang ni, SMJH Salang ni, Amyusha Dat Kasa Salang ni, JST Salang ni, mare buga kanu kawa salang ni, KHCC, IRCC, NGO hte CSO ni sa du shang lawm bawngban ai re hpe mung chye lu ai.