Myihprap wan hpaji wunkat hpe sharin na matu hkyeng nga

Myihprap wan hpaji wunkat hpe May shata 25 ya shani kaw nna, Laiza Muklum lawk (5) SMJH wang kaw hpaw sharin sa wa na lam chye lu ai.

May shata 25 kaw nna, June shata 30 ya shani du hkra (45) ya tup sharin sa wa na re lam chye lu ai.

Kan bau bungli ra kadawn nga ai shayi, shadang, salang, hpawmi ni, myihprap wan machye machyang hte shang gumhpraw tam lu na matu yaw shada ai re lam chye lu ai.

Myihprap wan hpaji hpe dum nta hte shawa ginra ni hkan byeng gram ai hpe kan bau bungli madang chye chyang ai du hkra, sharin ya na re lam chye lu ai.

Wunkat sa lung na jawngma ni hta yawm htum hpaji madang tsang (9) du hkra lung da yu ai wa rai ra na hte masha marai (20) hpe sha hkap la na re lam chye lu ai.

Wunkat hpe manu jahpu njaw ra ai sha sharin ya na rai nna, wunkat ten hta lang ra na arung arai ni hpe dabang kaw na lit la ya na rai nhtawm, sum tsan na sa lung na ni a matu yup shara, nga shara hpe tinang hkrai lit la ra na lam chye lu ai.