Myikyina mare kata n gup magap mask garan jaw nga
Myitkyina Muklum mare kaba na masha wuhpung wuhpawng grau law ai manap gat shara ni hta Kachin Back pack ni kawn n gup magap ( Mask) hpe garan jaw ai lam na chye lu ai.
N gup magap Mask garan jaw ai yaw shada lam hpe Kachin Back pack Health Worker Team kaw na Director Master Z ya na zawn tsun dan ai.
“ grau na gaw dinggai dingla ni, manap gat sa ai ni, n gup magap nlawm nna manap gat nlu shang ai ni, dut shara chye tim nlu mari lang ai ni, dai zawn re hpe mu mada ai majaw anhte ni gaw shawang tsawra myit hte gam garan jaw ya ai re. Bai nna anhte gaw tinang nan chywi nna garan jaw ai re majaw matut nna mung tinang nan chywi mahkawng nna garan jaw na lam nga ai.
Kachin State Covid-19 Prevention Network ni hte ta gindun nna yak hkak jam jau nga ai htinggaw ni hpe sagawn la nhtawm n gu bye 5, sau, shakau hte gala shapre ni hpe mung hkan garan jaw ai re. Jinghpaw laika hte ka da ai laika pa hkan shakap ya ai lam ni hte ningmu jahpaw ai lamang ni mung galaw nga ai re.
May shata 19 ya shani hta sha Shatapru ramma komiti kaw nna woi awn galaw ai SBYCCT ni kawn shatapru buga kata nga ai hpung htinggaw 1375 hpe htinggaw mi hta mask 4 hpra garan jaw ai re hpe mung chye lu ai.
